MAI: Nu ari niţi un cheadicu ti organizarea-a doilui turu

Ministerlu Afacerilor Interne cundilleadzãcă nu ari niţiun cheadicu tru organizarea doilui turu a alidzerloru trã Prezidentulu ali Românie şi spuni ca nu suntu dealihea hãbãrli “lãhtãroasi”/„alarmiste” pi şingirili di suţializari.

Tașcu Lala, 07.05.2025, 19:54

Ministerlu Afacerilor Interne cundilleadzãcă nu ari niţiun cheadicu tru organizarea doilui turu a alidzerloru trã Prezidentulu ali Românie şi spuni ca nu suntu dealihea hãbãrli “lãhtãroasi”/„alarmiste”pi platformili suţial-media, „ţi au tu scupo s’aducã unã catastisi di niisihie şi di mintireaşi tu lao”, dimãndã Agerpres.

„Pi livelu a platformelor di suţializare furã aflati lucre ţi avea sţenari di aparizmã tu ligãturã cu doilu turu a alidzerloru cari scoasirã tu migdani unã dalgã di reacţii di antãpari ti prişcãville şi di nipistipseari a autorităţloru. Aesti hãbãri suntu nai cama multi pitricuti pi şingirili suţiali şi deapoa xanapitricuti tru comunităţ leghitime di suţialu media, tra s-creascã catandisea di nisigurlãki sã spuni tu comunicatlu MAI.

Ministerlu faţi cllimari a cetãţeañiloru, jurnaliştiloru, ama şi la tuţ alanţãactori mintiţ tru proţesul electoral s’nu andrupascã ahtãri narative şi urminipseaşti vectorlli di opinie şi persoanili publiţi s’aibă unu purtaticu apridunatu şi, ma s’hibã fuvirsiţ, s’acaţã calea a nomlui tra s’poatã s’hibã loati apofasili ţi suntu ananghi. „Tu ligãturã cu mesajlu pritu cari s’mindueaşti un un posibil scenariu trã ‘ambudyiusearea a doilui turu ditu data di 18 mai 2025’, cundillemu că informaţiile nu sunt simfuni cu averlu. Nu ari niţi un cheadicu ti organizarea-a doilui turu trã Prezidentulu ali Românie”, dimãndã izvurlu di hãbãri aleptu.

Autoru: Radio România Internaţional
Armânipsearea: Taşcu Lala