Parlamentaril’i, fără pensii speciale
Easte ultima siptămână din actuala sesiune a Leghislativului di București, care-și propus să nu intră în vacanță înăinte di finalizare unile dia ţeale mai sensibile proiecte di leadze - aţel mutrinda eliminarea pensiilor speciale a parlamentarilor şi aţe
Roxana Vasile, 27.06.2023, 22:20
Easte ultima siptămână din actuala sesiune a Leghislativului di București, care-și propus să nu intră în vacanță înăinte di finalizare unile dia ţeale mai sensibile proiecte di leadze – aţel mutrinda eliminarea pensiilor speciale a parlamentarilor şi aţel di reformare a pensiilor di serviciu. Si arhiusi cu eliminarea pensiilor speciale tră parlamentari, votată, aieri, cu mare/ largă majoritate, într-ună şedinţă comună a ţilor doauă Camire şedinţă chindisită cu citate din scriitori clasici, ironii, aurlături/ ţiurări, şuirături şi sunite di chipurici. Votulu are ună semnificaţie aparte tră întreaga clasă politică, spunea preşedintile a liberalilor, Nicolae Ciucă. Iar preşedintile interimar a Camerălei a Deputaţălor, social-democratulu Alfred Simonis, spunea că easte un prim pas cătră reforma tuturor pensiilor speciale, jalon/ cheatră di sinur în PNRR, Planulu Naţional di Redresare şi Rezilienţă. El dzâse
: Arhiusim, astăndză, cu prima reformă serioasă a pensiilor, pensiile a parlamentarilor, pi care nu li impozităm, nu le diminuăm, pur şi simplu li eliminăm. Li abrogăm şi pia ţeale care sunt în plată şi pia ţeale care vreai putea să intră în plată, macă si nu eara aestă leadze. Pensiile speciale, cumulul a pensilei cu salariul, restanţile din PNRR sunt priorităţă.
Opoziţia susţânu proiectul di leadze, ama au existată boţ care avertizară că documentul si poate să hibă declarat niconstituţional di Curtea Constituțională: Parlamentul mai are adoptatăși acmu şi doi ani eliminarea pensiilor speciale a alepţâlor,ama foşti parlamentari au sesizată CCR, care u declarăă niconstituţională. În plus, liderulu USR, Cătălin Drulă, adus aminte că, dzâţea el:
Cum ţi s-hibă, zburâm dispre 700 di beneficiari di pensii speciale.Alante 210.000 di pensii speciale arămân în vigoare.
Di aformia că, în România exiistă îdoauă categorii ocupaționale a cure pensie nu si bazeadză exclusiv – ca în cazulu a tutulor a lântor pensionari – pi contribuția cătră asiguripsirile soţiale di Stat de-a lungul a activitatilei a lor profesională. Ţea ţi faţe că, majoritatea românilor asociadză parlamentarili, maghistrațăli, militarili, polițiștili, diplomațăli sau aviatorili cu membrili a unor caste privilegiate intangibile. Toradioară, proiectul leghislativ mutrinda reforma întregului sistem di pensii speciale pruveade, întră alte, ună creaştere eşalonată a vârstălei di pensionare, minimum 25 di ani vechlime în specialitate tră magistraţă tra să beneficiadză di pensie di serviciu sau impozitarea cu 15% a sumelor care depăşesc/ trec di nivelul a salariului mediu net. Pruviderile reprezintă amendamente depuse di parlamentarili a Putearilei după ultimele consultări cu reprezentanţăli a Comisilei Europeană, tra să hibă respectate angajamentile asumate prin PNRR şi tra să nu si cheară di finanţarea aferentă. Formaţiunile din arcul guvernamental au salutată modificările aduse a nomului. Pi di altă parte, Opoziţia susţâne că eale nu reformeadză cu adevărat/ cu diaver pensiile speciale.
Autor: Roxana Vasile
Armânipsire: Hristu Steriu
