Contemporan cu Brâncuşi: Constantin Antonovici
Vruţ soţ, vă grim să participaţ la un nău concursu cu premii, “Contemporan cu Brâncuşi: Constantin Antonovici”. Easte un concursu dedicat a celebrului sculptor Constantin Brâncuşi şi a unuia di aţel’i mai importanţâl’i discipoli a lui, Constantin Antonovici (1911–2002), care avu unâ ngh’ilicită carieră tru Europa şi SUA. Di tuţ artiştil’i care au lucrată cu Brâncuşi, fu singurulu care avu un certificat di recomandare simnat di aţista. Antonovici absolvi Artile Muşate la Iaşi (1939), apoia are studiată 3 an’i la Academia di Arte Muşate di Viena, după care 2 ani în Tirol. La Paris agiundze tru 1947, iu îl cunoaşte pi Brâncuşi, arada di care lucreadză 4 ani. Di-tru 1953 are activată într-un studio aflat la subsolul a catedralâl’ei newyorkeză St. John the Divine. Constantin Antonovici are participată la numir mare di expoziţii şi are amintată competiţii di sculptură tru Canada, Austria, Franţa, Italia, România şi SUA. Di creaţiile a lui clasiţe amplasate tru spaţii publiţe lipseaşte s-hibă spuse căpachea di marmură di pi cripta a episcopului William T. Manning, ună cruţe di cheatră di 2 metri pi faţada di vestu a Catedralâl’ei St. John the Divine, bustul a fostului preşedinte Dwight Eisenhower aflat la Casa Albă. Motivulu chentral a operâl’ei a lu Antonovici fu bufniţa pi care u are adratâ tru mule vidzute şi ipostaze.
România Internațional, 15.10.2015, 22:01
Vruţ soţ, vă grim să participaţ la un nău concursu cu premii, “Contemporan cu Brâncuşi: Constantin Antonovici”. Easte un concursu dedicat a celebrului sculptor Constantin Brâncuşi şi a unuia di aţel’i mai importanţâl’i discipoli a lui, Constantin Antonovici (1911–2002), care avu unâ ngh’ilicită carieră tru Europa şi SUA. Di tuţ artiştil’i care au lucrată cu Brâncuşi, fu singurulu care avu un certificat di recomandare simnat di aţista. Antonovici absolvi Artile Muşate la Iaşi (1939), apoia are studiată 3 an’i la Academia di Arte Muşate di Viena, după care 2 ani în Tirol. La Paris agiundze tru 1947, iu îl cunoaşte pi Brâncuşi, arada di care lucreadză 4 ani. Di-tru 1953 are activată într-un studio aflat la subsolul a catedralâl’ei newyorkeză St. John the Divine. Constantin Antonovici are participată la numir mare di expoziţii şi are amintată competiţii di sculptură tru Canada, Austria, Franţa, Italia, România şi SUA. Di creaţiile a lui clasiţe amplasate tru spaţii publiţe lipseaşte s-hibă spuse căpachea di marmură di pi cripta a episcopului William T. Manning, ună cruţe di cheatră di 2 metri pi faţada di vestu a Catedralâl’ei St. John the Divine, bustul a fostului preşedinte Dwight Eisenhower aflat la Casa Albă. Motivulu chentral a operâl’ei a lu Antonovici fu bufniţa pi care u are adratâ tru mule vidzute şi ipostaze.
Vă invităm să li ascultaţ emisiunile RRI, s-li videţ siteul www.rri.ro şi profilurile di Facebook, Twitter, Google+, LinkedIn, să răspundiţ ghine, în scris, la întribări şi puteţ să amintaţ. Concursul vai ţână până pi 15 gh’inar 2016, data a poştâl’ei.
Marile Premiu va s-hibă ună excursie di 7 dzâle (6 nopţâ) cu pensiune completă (în perioada 15-30.04.2016) tră 2 ascultători RRI, tru judeţulu Gorj, loculu di iu are chinesită spri lume Brâncuşi. Amintâtoril’i va li viziteadzâ casa natală (iu si feaţe) a artistului şi multe alte muşuteţ a zonâl’ei, arhiusinda cu Ansamblul monumental Calea Eroilor” di la Târgu Jiu, omagiu adus eroilor cădzuţ în Primulu Polim Mondial, proiectat şi construit di Constantin Brâncuşi. Aţeale 4-le componente sculpturale, Measa Tăţearil’ei, Aleea Scamnurilor, Poarta a Bâşearil’ei şi Coloana fără Bitisire (Coloana Infinită), suntu adrate pe tut aţeauşi axă, orientată di la vestu spri est, cu ună lundzime di 1275 di metri. A luştor lă si adavgă bâsearica Sâmţâl’i Apostali Petru şi Pavel, inaugurată la 7 brumar 1937, la tut aţea dată cu Poarta Bâşearil’ei.
Concursul easte organizat deadun cu Chentrul di Cercetare, Documentare şi Promovare Constantin Brâncuşi” Târgu Jiu şi alţâ parteneri locali.
Ca di aradă easte ananghe tra să vă asiguripsiţ cathe un pi cont propriu transportul internaţional până tru România şi, ma că si hibă lipsită necesară (lipsită), viza trâ România. Trâ aţel’i care nu amintă Mările Premii va să avem premii şi menţiun’i în obiecte, oferite di Centru.
– muzica –
Şi tora, întribările:
– Care este aform’ia chentrală al operâl’ei a lu Constantin Antonovici?
– Pri-tru ţi fu unic Antonovici di toţ artiştil’i care au lucrată cu Brâncuşi?
– Cât chiro şi iu are lucrată sculptorulu Constantin Antonovici cu maestru-su a lui?
– Ţi opire avdzâte a lu Brâncuşi si află tru ansamblul monumental Calea Eroilor” di la Târgu Jiu?
– muzica –
Vă paraclasim să nâ scriiţ ţi vâ feaţe să participaţ la concursu şi, cama multu, di ţi aform’ie ascultaţ emisiunile RRI sau nâ urmăriţ programile tru mediul online.
Coordonatile a noastre suntu nialâxite: Radio România Internaţional, str. G-ral Berthelot nr. 60-64, sector 1, Bucureşti, PO Box 111, cod 010165, fax 00.40.21.319.05.62, e-mail: arom@rri.ro. Aştiptăm apandisile a dumnil’ilor a voastre până la 15 gh’inar 2016, data poştâl’ei. Amintâtoulu a Marilui Premiu va s-hibâ spus curundu după aţea dzuuâ, tra sâ-şi îndreagâ (pregătească) excursia în România. Succes! (Alecu Marciuc, Eugen Cojocariu)
