Lansare carti la Muzeul Satului “Dimitri Gusti”
“Momente aromâne la Muzeul Satului” easte numa a unui comunicat di presâ dat di Muzeulu a Hoarâl’ei, muzeulu “Dimirie Gusti” di Bucureşti.
Hristu Steriu, 19.05.2015, 22:26
“Momente aromâne la Muzeul Satului” easte numa a unui comunicat di presâ dat di Muzeulu a Hoarâl’ei, muzeulu “Dimirie Gusti” di Bucureşti.
Aduţim aminte că Dimitrie Gusti (1880 – 1955), filosof, sociolog şi estetician roman, fu membru a li Academiei Română di-tru 1919, apoia preşedintile a Academiil’ei Română (1944 – 1946), ministru a înviţământului întră 1932 şi 1933, profesor la Universităţâle di Iaşi şi Bucureşti. Dimitrie Gusti easte considerat creatorulu a sociologiil’ei românească. Muzeul Satului fu adrat tru 1936, şi fu unulu di primele muzee etnografiţe in aer liber din Romania si din lume. Aoaltadz, sâmbâtâ, 16 mai furâ lasate treie volume dispre comuni9tea a aromân’ilor, in prezenţa a domnului preşedinte Ion Caramitru, preşedinile a Societatil’ei di Culturâ Macedo-Română, a doamnâl’ei Sabina Ispas, direcorulu a Institutului di Etnografi şi folclor “Consantin Brăiloiu”, a doamnâl’ei conferenţiar univ.dr. Paulina Popoiu, directoulu a Muz Naţ a Hoarâl’ei DG şi a domnului Willybald Wisoşenschi, preşedintile a Fund Cult “Muşata Aromână”. Numa a cărţâlor ţi fură lansate u spusim şi siptâmâna tricutâ, ama va sâ spunim ma multe zboarâ tora şi siptâmâna ţi v’ine ligat di conţinutulu a lor. Alâsăm protulu volum trâ siptâmâna alantâ. A daua carte lansatâ fu “Românii di nafoara a graniţilor”, un studiu faptu, tru anulu 1945, di consilierulu di legaţie Emil Oprişanu, secretarulu a Comisiunil’ei trâ problemile a pacil’ei din cadrulu a ministerului a Afacerilor Xeane a Regatului a Româniil’ei şi di colaboratoril’I a lui; volumulu eate un preţios documentu di istorie a diplomaţiil’ei româneascâ. Studiul mai fu editat unâ oarâ şi tru 2005 di regretatulu istoric Gheoghe Zbuchea şi di Cezar Dobre, ama fârâ anexe, şi fârâ numa a autorului. Alante dauâ cărţâ va li spunim siptâmâna ţi v’ine. Tora aduţim aminte că sâmbâtâ, la Muzeul Satului fu dişcl’isâ trâ dauâ siptâmân’i, pânâ pi 31 mai, şi expoziţia di fotografie “Aromânii din zona Corcea — istorie şi actualitate tru imaghini”, curatoriată di Iulia Wisoşenschi, tru care suntu spuse imaghini realizate di Catălin Alexa şi doctor Emil Ţârcomnicu.
Fârâ s-u spunim şi cartea scrisâ di profesor universitar doctor Nicolae Sarmandu şi ditatâ di doctor tru lingvisticâ Manuela Nevaci, maşi numa a l’ei, “Atlasul lingvistic al dialectului aromân”, aduţim aminte că lâ fu loat câte un interviu di colegulu a nostru Taşcu Lala.
