Omulu a anului 2013 la RRI
Vruţ soţ, RRI u dusi ma largu tradiţionala a l’ei anchetă di opinie dit bitisita di an anamisa di ascultătorl’ii şi ufilisitorl’i di Internet şi pareili suţiali dit lumi. Vâ avem câftatâ s-alidzeţ aţea personalitati, dit iţi dumeni, cari avu contribut, prit acţiun’ili, purtaticlu/ minduita icâ ideile a l’ei ti imnaticlu târ ninti a lumil’ei tru anlu 2013.
Eugen Cojocariu, 31.12.2013, 21:23
Vruţ soţ, RRI u dusi ma largu tradiţionala a l’ei anchetă di opinie dit bitisita di an anamisa di ascultătorl’ii şi ufilisitorl’i di Internet şi pareili suţiali dit lumi. Vâ avem câftatâ s-alidzeţ aţea personalitati, dit iţi dumeni, cari avu contribut, prit acţiun’ili, purtaticlu/ minduita icâ ideile a l’ei ti imnaticlu târ ninti a lumil’ei tru anlu 2013.
Di tu arada-a aţiloru ţi loarâ nai cama multi nominalizări eara marli om politic Nelson Mandela, ţi tricu tu alantâ etâ tora ayon’ia, tru bitisita aluştui an 2013, Edward Snowden, specialistul american tru computeri cari scoasi tu videalâ documenti secrete ali NSA, şi tutunâoarâ un câvgă diplomatic avândalui nolgica SUA şi spionarea-a aliaţlor a lor, tinira militantă pakistaneză tră ndrepturli a omlui Malala Yousafzai, ama şi protestatarl’i ucrainen’i dit Piaţa a Independenţâl’ei di Kiev, cari alumtă ti apruchearea ali Ucraină di U.E.
Ntrâ alţâl’i, loarâ nominalizări di partea-a ascultătorlor şi ufilisatorl’i di Internet a Canalui RRI fostul Papă Benedict XVI-lu, prezidentul rus Vladimir Putin, canţelarlu german Angela Merkel, jurnalistul şi activistul politic radical rus Boris Stomakhin, Prinţul George (hil’ilu a Prinţului William ali Mari Britanii şi a Ducesâl’ei di Cambridge), Laura Marie, cantautoarea dit San Antonio, Texas, nominalizată ti mesajlu a cântiţlor a l’ei, icâ pareia poloneză cari nchisi tru marţu 2013 cu prota alinari tu chiro di iarnă a Chipitâl’ei Broad Piak (8.051 meatri) dit Himalaya, ti amârtie chirurâ curbani doi dit alpinişti.
Tut ca personaj colectiv loarâ nominalizări radioulu, ca tehni di comunicari tu measă, ama şi oamin’il’i di arada, aţel’i dit bana reală, anonimi, cari nu caftâ alâvdari ş-niţi recompensi, aşi cum argumenta ascultătoarea americană Roberta Selesky.
“Omlu a Anlui 2013 la RRI” easti, ama, unâ persoană cari alâsâ tor, ahânda, tru un chiro cabaia şcurtu pi sţena internaţională, Papa Francisc, fostul cardinal argentinian Jorge Mario Bergoglio. “El demonstreadză modestie umineascâ, tolearanţă şi purtaticu democratic. (…) Comportamentul a Pâpălui yilipseaşti un bun exemplu ti nai pţânu un miliardu di embistimen’i, ama şi tră tuţ criştin’il’i (ş-nu măşi)”, argumenta ascultătorlu RRI Ihor Kanevski, dit Ucraina, alidzearea a Pâpălui tu harea di “Omlu a Anlui 2013 la RRI”.
